Red munia

ನಮ್ಮ ಬೆಂಗ್ಳೂರು ಮತ್ತೆ ಸುತ್ತಮುತ್ತ ಕೆರೆಗಳಲ್ಲಿ ಕೆಲವು ಸಾವಿರಾರು ಮುದ್ದು ಮರಿಗಳು ಬರುತ್ವೆ.... ಅವೇ ರಾಟವಾಳಗಳು....ಅದರಲ್ಲು ಅಪ್ಪಟ ಬಂಗಾರಿಅಂದ್ರೆ ಕೆಂಪು.... ಸದಾಕಾಲ ಗುಂಪು, ಹುಲ್ಲು ಜೊಂಡುಗಳ ನಡುವೆಯೇ. ನೋಡಬೇಕೆಂದರೆ ಹಾರುವಾಗ ನೋಡು... ಫೋಟೋತೆಗೀತೀನಿ ಬಾ, ಗಂಟೆಗಟ್ಟಲೆ ಕೂತಲ್ಲೆ ಕೂತು ಕಾಯುತ್ತೇನೆಯೆಂದರೆ ಒಲ್ಲೆ. ಅಬ್ಬ ಎಂಥಾ ಕೆಂಪು ಜೊತೆಗೆ ಬಿಳಿಚುಕ್ಕೆ ಬೇರೆ ಯಾರೋಬಿಡಿಸಿದಂತೆ. ಗಾತ್ರ ಮಾತ್ರ ಹೆಬ್ಬೆರಳಿಗಿಂತ ಸ್ವಲ್ಪ ದೊಡ್ಡ... ತೀರಸೂಕ್ಷ್ಮ ಸ್ವಲ್ಪ ಸುಳಿವಾದರೆ ಒಟ್ಟೊಟ್ಟಿಗೆ ಪುರ್.... ತಿನ್ನಲು ಹುಲ್ಲು ಇತ್ಯಾದಿ ಬೀಜಗಳು, ಬೀಜ ಪ್ರಸರಣದಲ್ಲಿ ಪ್ರಮುಖಪಾತ್ರ....ಈ ನೆತ್ತರುಕುಡಿದ ಕೆಂಪು ಸಂತಾನೋತ್ಪತ್ತಿ ಕಾಲದಲ್ಲಿ ಮಾತ್ರ.. "ಕೆಂಪಾದವೋ ಎಲ್ಲ ಕೆಂಪಾದವೋ, ರೆಕ್ಕೆಪುಕ್ಕಗಳೆಲ್ಲಾ ಕೆಂಪಾದವೋ ಈ ಎಲ್ಲಿಂದಲೋ ಬಂದವರಿಗೆ....

ನಾಲ್ಕು ವರ್ಷ ಕಾಯಬೇಕಾಯಿತು ಈ ಫೋಟೊತೆಗೆಯಲು..

Garganey

ಭಾರತದ ಪಕ್ಷಿ ವೀಕ್ಷಕರಲ್ಲಿ ಚಳಿಗಾಲ ಬಂತೆಂದರೆ ಏನೋಒಂದು ರೀತಿಯ ಕಾತುರ - ಈಬಾರಿಯೇನು ಹೊಸ ಪಕ್ಷಿ ನೋಡಬಹುದು, ಯಾವ ಜಕ್ಪಾಟ್ ಲಾಟರಿ, ಹೇಗೆ ವಿಂಟರ್ ಬರ್ಡಿಂಗ್ ಪ್ಲ್ಯಾನ್ಮಾಡೋದು, ಟಾರ್ಗೆಟ್ ಸ್ಪೀಷೀಸ್ ಯಾವುದು, ಯಾವ ಪಕ್ಷಿ ಬರಬಹುದು ಅಥವ ಪ್ರತೀಬಾರಿ ಬರಬೇಕಾದ ಖಗರತ್ನಗಳು ಈಬಾರಿ ಕಂಡಿಲ್ಲಾಂದ್ರೆ ಏನೋ ಕಳೆದುಕೊಂಡಂತೆ ಆತಂಕ, ಬಾರದಿದ್ದಕ್ಕೆ ಕಾರಣ ಹುಡುಕೊ ಪ್ರಯತ್ನ, ಚರ್ಚೆ.... ಇತ್ಯಾದಿ...

ಬಿಳಿಹುಬ್ಬಿನ ಬಾತುಗಳು (Garganey), ಚಲಕು ಬಾತುಗಳು (Northern shovelar) ಸಾವಿರಾರು ಸಂಖ್ಯೆಯಲ್ಲಿ ಬೆಂಗಳೂರಿನ ಕೆರೆಗಳಲ್ಲಿ ಕಾಣುತ್ತಿದ್ದು ಒಂದೆರಡದು ವರ್ಷಗಳಿಂದ ಹಠಾತ್ತನೆ ಕಡಿಮೆಯಾಗಿ ಚರ್ಚೆಯ ಅಧಿಕೇಂದ್ರವಾಗಿಬಿಟ್ಟಿತ್ತು.... ವಲಸಿಗ ಹಕ್ಕಿಗಳು ಬಂದಿಲ್ಲವೆಂದರೆ ಕೆಲವು ಗಂಭೀರ ಕಾರಣಗಳಿರಬಹುದು - ಹವಮಾನ ವೈಪರಿತ್ಯ, ಮಾಲಿನ್ಯದಿಂದ ಹಿಡಿದು ಕಗ್ಗಂಟಾಗಿರುವ ಹವಾಮಾನ ಬದಲಾವಣೆ, ವಾತಾವರ್ಣದ ತಾಪಮಾನ ಏರಿಕೆಯಂತಹ ಕಾರಣಗಳಿರಬಹುದು.... ಹಕ್ಕಿ ವಲಸೆಯ ಉನ್ನತ ಅಧ್ಯಯನದಿಂದ ಪ್ರಕೃತಿಯಲ್ಲಿನ ಬದಲಾವಣೆಗಳ ಸೂಚನೆಯಜಾಡುಗಳನ್ನು ಹಿಡಿಯಬಹುದು...

ಬಿಳಿಹುಬ್ಬಿನ ಬಾತುಗಳು (Garganey), ಚಲಕು ಬಾತುಗಳು (Northern shovelar) ಒಟ್ಟೊಟ್ಟಿಗೆ ಸಾವಿರಾರು ಮೈಲು ದೂರದ ದೇಶಗಳಿಂದ ಖಂಡಾಂತರ ವಲಸೆ ಬರುವುದು... ಸಾವಿರಾರು ಸಂಖ್ಯೆಯಾಲ್ಲಿ ಬೆರೆತು ತಮ್ಮ ವಲಸೆ ಆರಂಭಿಸುವ ಈ ಸ್ನೇಹಜೀವಿಗಳು ನಮ್ಮವರು ತಮ್ಮವರು ಭೇಧಭಾವ ಪಕ್ಕಕ್ಕಿಟ್ಟು ಆಪ್ರದೇಶದ ನಿವಾಸಿಗ ಹಕ್ಕಿಗಳೊಡನೆ ಬೆರೆತು ಮತ್ತೆ ತಮ್ಮ ದೇಶಗಳಿಗೆ ಮರಳುತ್ತವೆ... ಹೀಗೆ ಬಹುಸಂಖ್ಯೆಯಲ್ಲಿ ವಲಸೆ ಆರಂಭಿಸುವಮುನ್ನ ಕಳೆದವರ್ಷ ಎಲೆಮಲ್ಲಪ್ಪಶೆಟ್ಟಿಕೆರೆಯಲ್ಲಿ ಸೆರೆಸಿಕ್ಕಿದ್ದು........

Red Rumped Swallow

Nature's Mosquito Control - Swallows are acrobat specialist....

Birds needs lot of energy for their survival and almost 90% of what they eat will get efficiently converted into energy for them to fly and be so active all day.... Swallows can be seen in open fields with small to large water bodies - they almost eat flying insects equivalent to their body weight per day....

White eyed Buzzard

Birds are the symbol of freedom... Unleash the bird in you

Jungle Myna

Baya weaver (ಗೀಜಗ)

ಗುಬ್ಬಿ ಗಾತ್ರದ ಗೀಜಗ ಪಕ್ಷಿ ಪ್ರಪಂಚದ ಪ್ರಮುಖ ವಾಸ್ತುಶಿಲ್ಪಿಗಳಲ್ಲೊಂದು. ಗಿಜಗ ಕಟ್ಟಿದ ಗೂಡನ್ನು ಬಹುಶಃ ಎಲ್ಲರು ಕಂಡಿರಬಹುದು. ಕೆರೆ, ನಾಲೆ, ನದಿ ತೀರದಲ್ಲಿ ಗೂಡುಗಳನ್ನು ಕಟ್ಟುವುದುಂಟು.

ಮನುಷ್ಯ ಗೀಜಗ ಪಕ್ಷಿ ಗೂಡು ನೇಯುವ ಪರಿ ನೋಡಿ ತಾನು ಬಟ್ಟೆ ನೇಯುವ ಕಲೆಯನ್ನು ಕಲಿತಿರಬಹುದೆಂದು ಎಲ್ಲೋ ಓದಿದ ನೆನಪು. ಸುಮಾರು ಕಷ್ಟಪಟ್ಟು ಹುಲ್ಲನ್ನು ಆಯ್ದುತಂದು ತಾಗೂಡುಕಟ್ಟಿದ ಗಂಡು ಗೀಜಗ, ಹೆಣ್ಣುಪಕ್ಷಿಯನ್ನು ಕರೆದು ತೋರಿಸುತ್ತದೆ. ಆ ತಪಾಸಣೆಯ ನಂತರ ಹೆಣ್ಣು ಗೀಜಗಕ್ಕೆ ಗೂಡು ಒಪ್ಪಿಗೆಯಾದಲ್ಲಿ ಮುಂದೆ ಮೊಟ್ಟೆ ಮರಿ ಮಾತು.

ಇನ್ನೊಂದು ವಿಷೇಷ ಇದೆ - ಬುದ್ದಿವಂತ ಗೀಜಗ, ಗೂಡಿನ ಮರಿಗೆ ಹಾಗು ಗೂಡನ್ನು ರಾತ್ರಿ ಸಮಯ ಬೆಳಕಿನಿಂದ ಬೆಳಗುವುದಕ್ಕೆ ಮಿಂಚುಹುಳುವನ್ನು ಹಿಡಿದು ತನ್ನ ಗೂಡಿನಲ್ಲಿ ಬಂಧಿಸುವುದುಂಟಂತೆ ! ಪಕ್ಷಿಗಳು ಎಂದಿಗೂ ವಿಸ್ಮಯ....

Baya weaver, the sparrow sized bird is one of the chief architect of avian kingdom. We all might have seen the nests built be these birds. Usually they build nests adjacent to banks of river, canals and rivers.

Probably the man would have picked up the skill of weaving of cloths by looking at the way these birds construct the nest by weaving the carefully picked up nesting material - usually grass blades. Once the nest weaving is done by male bird, it offers inspection to the female weaver bird ! Once the female is satisfied with the nest quality then only breeding otherwise no..

One more thing - Bayaweaver would catch fireflies and held them captive in their nests for lighting up the nest during night...! How beautiful and intelligent is these birds ?

Pacific Golden Plover

Meet the "Pacific Golden Plover" - One More Long distance Intercontinental Migratory bird, these are small birds with Austonishing flying ability - The GPS transmitter tagged bird reaveled that it has travelled for whopping 30,000 km a migration season with extraoridinary endurance to flight - Among the non-stop flight crossing entire pacific ocean amounts to 8800 km in 8 days without landing anywhere - Birds are Amazing, please provide human safe envirnoment for such a great travelling friends....
Other records for non stop flight is on "bar tailed godwit" an whopping 11026 km in 9 days non stop on pacific ocean - from Alaska to Newzealand

Data source -
https://cosmosmagazine.com/life-sciences/epic-journeys-plover

Indian Jackal

ಎಲ್ಲಿ ಯಾವಾಗ ಏನು ನೋಡಲು ಫೋಟೊ ತೆಗೆಯಲು ಸಿಕ್ಕತ್ತೋ ? ಹಾಗೆ ಒಂದು ಹೊಸ ಜಾಗಕ್ಕೆ ಹೋದಾಗ ಗುಳ್ಳೆನರಿ ದರುಶನ! ತುಂಬಾ ಬುದ್ದಿವಂತ ಹಾಗು ಭಯಸ್ತ ಪ್ರಾಣಿ, ನೋಡಲು ಬೆಳಗ್ಗಿನ ಜಾವ ಸೂರ್ಯಹುಟ್ಟುವ ಸಮಯದಲ್ಲಿ (ಅಥವ ಮೊದಲು) ಸಿಗುವ ಸಾಧ್ಯತೆ ಮಾತ್ರ...

ಫೋಟೊ ತೆಗೆದ ಹಿಂದಿನ ರಾತ್ರಿ ಭರ್ಜರಿ ಮಳೆ ಬಿದ್ದಿತ್ತು, ತಂಪಾದ ವಾತಾವರ್ಣ. ಬೆಳಿಗ್ಗೆ ಕ್ಯಾಮೆರಾದೊಂದಿಗೆ ಹೊಸ ಜಾಗ ಹುಡುಕಿ (habitat explore) ಹೋಗಿದ್ದು. ಕಾಗೆಗಳ ಹಿಂಡೊಂದು ಕರ್ಕಶವಾಗಿ ಕೂಗುತ್ತಿದ್ದವು (ಕಾಗೆಗಳು ಬೇರೆ ಹಿಂಸ್ರಪಕ್ಷಿ, ಅಥವ ಪ್ರಾಣಿಗಳ ಇರುವಿಕೆಯನ್ನುಸಹಿಸುವುದಿಲ್ಲ, ಅದು ನಮಗೆ ಬಲವಾದ ಸೂಚನೆ), ಒಂದು ಕ್ಷಣ ಏನೋ ನಾಯಿರೂಪದ್ದು ಓಡಿಬಂದಂತೆ! ಆಕಡೆ ತಿರುಗಿದರೆ ಅದು ಗುಳ್ಳೆನರಿ! ಕಾಗೆಗಳು ಅದನ್ನ ಅಟ್ಟಾಡಿಸುತ್ತಿತ್ತು. ನನ್ನಕಡೆ ಸಣ್ಣನೋಟ ಹಾಯಿಸಿ ಪೊದೆಯೊಳಗೆ ಮರೆಯಾಗಿ ಹೋಯಿತು...

Brahmini Kite subadult (ಗರುಡ)

ಪುರಾತನ ಕಾಲದಿಂದಲೂ ನಮ್ಮ ಧರ್ಮಗಳಲ್ಲಿ, ಪ್ರಾಣಿಪಕ್ಷಿಗಳಿಕೆ ವಿಷೇಶ ಸ್ಥಾನವಿದೆ. ಸಾಮಾನ್ಯ ಯಾವುದಾದರೂ ದೇವಾನುದೆವತೆಗಳ ವಾಹನವಾಗಿಯೋ ಅಥವ ಇನ್ನಿತರ ದೇವರುಗಳ ಸಹಾಯಕ ಕಾರ್ಯಗಳಲ್ಲಿನ ಉಲ್ಲೆಖಗಳಿವೆ. ಗರುಡವನ್ನು ಕೂಡ ಮಹಾವಿಷ್ಣುವಿನ ವಾಹನವಾಗಿ ಪ್ರತಿಬಿಂಬಿಸಲಾಗಿದೆ. ಬಹುಶಃ ಪ್ರಾಣಿಪಕ್ಷಿಗಳಿಗೆ ಸಲ್ಲಬೇಕಾದ ಗೌರವ, ಭದ್ರತೆ, ಮತ್ತು ಅವುಗಳ ಮಹತ್ವವನ್ನರಿತ ನಮ್ಮ ಪೂರ್ವಿಕರು ಅವುಗಳ ಸಂತತಿಯ ಉಳಿವಿಗಾಗಿ ಹಾಗೆ ಬಿಂಬಿಸಿರಬಹುದು... ಹಾವನ್ನು ದೇವರೆಂದಿಲ್ಲದಿದ್ದರೆ ಸಿಕ್ಕ ಸಿಕ್ಕ ಕಡೆ ಹೊಡೆದು ಅದರ ಸಂತತಿಗೇ ಕಂಟಕ ಬರುತ್ತಿತ್ತೊ ಏನೋ? ಈಗಲೂ ನಾಗರಹಾವನ್ನು ದೇವರೆಂದು ಭಯದಿಂದ ಬಿಟ್ಟುಬಿಡುವುದನ್ನು ನಾವು ನೋಡಿರಬಹುದು. ಮನುಷ್ಯ ದೇವರಿಗೆ ಬಿಟ್ಟರೆ ಇನ್ಯಾರಿಗೆ ಹೆದರುತ್ತಾನೆ? ಕೊನೇ ಪಕ್ಷ ದೇವರ ಭಯದಿಂದಾದರು ಅವುಗಳನ್ನು ತಮ್ಮ ಪಾಡಿಗೆ ಬಿಟ್ಟರೆ ಸಾಕುಯೆನ್ನುವ ಉದ್ದೇಶವಿರಬಹುದು ಅಲ್ವ? ನನ್ನ ಅಭಿಪ್ರಾಯ, ನೀವೂ ಒಮ್ಮೆ ಯೋಚಿಸಿ... ಕಾಗೆಯಿಂದ ಹಿಡಿದು ಗೂಬೆ, ನವಿಲು ಇತ್ಯಾದಿ ಪಕ್ಷಿಗಳು, ಹುಲಿ ಸಿಂಹ ಆನೆ ಕೋಣ ಇತ್ಯಾದಿಗಳು ಯಾವುದಾದರೂ ದೇವರ ವಾಹನ ಅಲ್ಲವಾ?

Short toed snake eagle, Mar 2016

ಸರ್ಪಗಳ ಪಾಲಿಗೆ ಸಿಂಹ ಸ್ವಪ್ನ! ಪನ್ನಾಗರಿಗೆ ಸಾಮಾನ್ಯ ತಿನ್ನಲು ಹಾವುಗಳೇ ಬೇಕು. ಅದು ಎಂಥಾ ವಿಷಸರ್ಪವಾದರೂ ಸರಿ. ನಾಗರಹಾವು, ಮಂಡಲದಂತಹ ದೊಡ್ಡ ವಿಷಪೂರಿತ ಹಾವುಗಳನ್ನೇ ಬಿಡದೆ ಸೆಣಸಾಡಿ ನುಂಗಿಬಿಡುತ್ತದೆ. ಹಾಗಂತ ಹಾವುಸಾಮಾನ್ಯ ಅಲ್ಲ, ಹಕ್ಕಿಗಳ ಗೂಡಿಗೆ ಲಗ್ಗೆಯಿಟ್ಟು ಮೊಟ್ಟೆಗಳನ್ನೆಲಾ ತಿಂದು ತೇಗುತ್ತದೆ. ಪ್ರಕೃತಿಯಲ್ಲಿ ಹಾವುಗಳಿಗೆ ಹಕ್ಕಿಗಳು ವೈರಿ, ಹಕ್ಕಿಗಳಿಗೆ ಹಾವುಗಳು ವೈರಿ. ಯಾಮಾರಿದರೆ ಒಂದನ್ನು ಒಂದು ಮುಗಿಸಿಯೇ ಬೆಡುತ್ತದೆ.

Montagu's Harrier Female (ಪಟ್ಟಿ ರೆಕ್ಕೆಯ ಸೆಳೆವ)

ಒಮ್ಮೊಂಮ್ಮೆ ಕಂಡೂಕೇಳರಿಯದ ಜಾಗಗಳನ್ನು ಹುಡುಕಿ, ಜಾಗದ ರೀತಿ ನೋಡಿ ಇಂಥದ್ದೊಂದು ಹಕ್ಕಿ ಇಲ್ಲಿ ಇರಬಹುದು ಎಂಬ ಊಹೆ (prediction) ಮಾಡಿ ಸಿಕ್ಕಾಗ ?

ಈ ಸೆಳೆವ ಕೂಡ ಹದ್ದು-ಗಿಡುಗ ಜಾತಿಯ ಬೇಟೆಗಾರ ಪಕ್ಷಿ, ಬಹುದೂರ ವಲಸೆ ಬಂದು ನಮ್ಮಲ್ಲಿ ಚಳಿಗಾಲ ಮುಗಿಸಿ ಹೋಗುತ್ತದೆ. ಸಾಮಾನ್ಯ ಯುರೋಪ್ ಹಾಗು ಪಶ್ಚಿಮ ಏಶಿಯಾದಿಂದ ಭಾರತದಕಡೆ ವಲಸೆ ಬರುವುದು.

ಇದರ ನೋಟ ನೋಡಿ! ಭಯಂಕರ !!

Orange Headed Ground Thrush

Bengal Fox

ನರಿ ಮುಖ ನೋಡಿ ಬಂದ್ರೆ ಒಳ್ಳೆದಾಗುತ್ತೆ ಅಂತ ಯಾರಾದ್ರು ಕೇಳಿದ್ರ? ಈಗ ನರಿ ನೋಡೋದೇ ಜಾಕ್ಪಾಟ್ !
Bengal or Indian Fox, Feb 2016

Peregrine Falcon (ದೊಡ್ಡ ಚಾಣ), Feb 2016

ಚಳಿಗಾಲ, ಬೆಳಿಗ್ಗೆ ಹಾಸಿಗೆಯಿಂದ ಏಳಬೇಕಾದರೆ ಗಡಿಯಾರದೊಂದಿಗೆ ಮಹಾಯುದ್ಧವೇ ನಡೆದುಬಿಡುತ್ತದೆ. ಹಾಗೂ ಹೀಗೂ ಕಷ್ಟಪಟ್ಟು ಗಡಿಯಾರ, ನಿನಗೇ ಜೈ ಸೋಲೊಪ್ಪಿಕೊಂಡದ್ದಾಯಿತೆಂದು ಕಣ್ಣು ತೆರೆದರೆ, ರೆಪ್ಪೆಯೊಳಗೆ ಮರಳುಹಾಕಿ ತಿಕ್ಕಿದಂತೆ ಹಿಂಸೆ. ಸರಿ, ಸಾಹಸ ಮಾಡಿ ಕಣ್ಣು ತೆರಿದದ್ದಾಯಿತೆನ್ನುವಷ್ಟರಲ್ಲಿ ಇನ್ನೊಂದು ಭೀಕರ ಸಮಸ್ಯೆ! ಕಾಲಿಗೆ ದೊಡ್ಡದೊಂದು ಕಬ್ಬಿಣದ ಗುಂಡು ಕಟ್ಟಿಕೊಂಡಂತೆ, ಎದ್ದು ನಡೆಯಲಸಾಧ್ಯ.... ನಮಗಿಂತ ಮುಂಚೆ ಇಲ್ಲಿ ಸೋಂಬೇರಿತನ ಎದ್ದು ತಾಂಡವವೇ ಆಡಿಬೆಟ್ಟಿರುತ್ತದೆ. ಈ ಸೋಮಾರಿತನದ ಪರಮಾವಧಿಯಿಂದ ಹೊರ ಬರುವುದು ಸುಲಭದ ಮಾತಲ್ಲ ಬಿಡಿ.

ಪಕ್ಷಿವೀಕ್ಷಣೆಯಂಥ ಹವ್ಯಾಸ ರೂಢಿಸಿಕೊಂಡರೆ, ಪ್ರಕೃತಿಯಲ್ಲಿನ ಕುತೂಹಲ ತಿಳಿಯುವ ಕಾತುರದಲ್ಲಿ ಚಳಿ, ಮಳೆ, ಗಾಳಿಗಳ್ಯಾವೂ ಲೆಕ್ಕಕ್ಕೆ ಬರೊಲ್ಲ!

ಪ್ರಕೃತಿ ನೋಡಲು ಬೆಳಗ್ಗಿನ ಜಾವ ಪ್ರಶಸ್ಥ ! ಮಕ್ಕಳಿಗೆ ಈ ರೀತಿ ಯಾವುದಾದರೊಂದು ಹುಚ್ಚು ಹಿಡಿಸಿನೋಡಿ. ತಂತಾನೆ ಉತ್ತಮ ಆರೋಗ್ಯ ಹಾಗು ಶಿಸ್ಥಿನ ಜೀವನರೂಪುಗೊಂಡರೆ ಆಶ್ಛರ್ಯವೇನಿಲ್ಲ, ಯೋಚನೆಮಾಡುವ ದಿಕ್ಕು ದೆಶೆ ಬದಲಾಗಿ ಉನ್ನತಮಟ್ಟದಲ್ಲಿ ಯೋಚಿಸುವ ಸಾಮರ್ಥ್ಯ ಬೆಳೆಸುವ ಅವಕಾಶ ದೊರೆಯುತ್ತದೆ. ಎಲ್ಲರಲ್ಲೊಬ್ಬರಾಗಿ ಉಳಿಯದೆ ತಮ್ಮದೇ ಆದ ಸಾಧನೆಯ ಮಾರ್ಗ ಕಾಣಬಹುದು - ಇದೇ ಹವ್ಯಾಸಗಳಿಂದ ದೊರೆಯುವ ಲಾಭಗಳು.

ಅದಿರಲಿ, ಪ್ರಕೃತಿಯಲ್ಲಿ ಎಣಿಕೆಗೆ ಸಿಗದಷ್ಟು ಕುತೂಹಲ ಕೆರಳಿಸುವ ವಿಷಯಗಳಿವೆ! ಇಲ್ಲೋಂದು ಅದರ ಸಣ್ಣ ಝಲಕ್ಕಿದೆ, ಅದೇ ಪೆರಿಗ್ರೇನ್ ಫಾಲ್ಕಂನ್ peregrine falcon (ದೊಡ್ಡಚಾಣ)

ಇದೊಂದು ಸಾಮಾನ್ಯ ಹಕ್ಕಿಯಲ್ಲ, ಕಾಣಸಿಗುವುದೇ ಕಷ್ಟ. ನಮ್ಮಲ್ಲಿಗೆ ಬರುವ ಚಳಿಗಾಲದ ವಲಸಿಗ ಅಥಿತಿ. ಇದರಲ್ಲೇನಿದೆ ಅಂಥ ವಿಷೇಶ ? ಮೈ ರೋಮಾಂಚನಮಾಡುವ ವಿಚಾರ ಇದೆ! ಇದೊಂದು ಪ್ರಾಣಿ ಪ್ರಪಂಚದ ಫೈಟರ್ ಜೆಟ್ (fighter jet) ಅಥವ ಎರ್ ಟು ಎರ್ ಕ್ಷಿಪಣಿಯೆಂದರೆ ತಪ್ಪಿಲ್ಲ. ದೊಡ್ಡ ಚಾಣ, ಪಕ್ಷಿ ಹಾಗು ಪ್ರಾಣಿ ಪ್ರಪಂಚದ ಅತ್ಯಂತ ವೇಗವಾಗಿ ಕ್ರಮಿಸಬಲ್ಲ ಜೀವಿ. ಹಾಗೆದ್ದರೆ ಇದರ ಗರಿಷ್ಟ ವೇಗ ಎಷ್ಟಂತೀರ? ಬರೊಬ್ಬರಿ 380 ಕಿಲೋಮೀಟರ್ ಗಂಟೆಗೆ ಹಾರಬಲ್ಲ ಸಾಮರ್ಥ್ಯ ದಾಖಲಾಗಿದೆ. ತನ್ನ ಬೇಟೆಯನ್ನು ಗಾಳಿಯಲ್ಲೇ ಆಕ್ರಮಣ ಮಾಡಿ (ಗಂಟೆಗೆ ಸುಮಾರು 320 ಕಿಲೋಮೀಟರ್ ವೇಗವಾಗಿ ಡೈವ್ ಹಾಕಿ ತನ್ನ ಬಲವಾದ ಕಾಲು ಮತ್ತು ಉಗುರು ಪಂಜದಿಂದ ಹೊಡೆದುರುಳಿಸಿ), ಬೇಟೆ ಕೆಳಗೆ ಬಿದ್ದನಂತರ ಸಿಗಿದು ತಿನ್ನುತ್ತದೆ.

ಮತ್ತೊಂದು ಗಮನಿಸಬೇಕಾದ ವಿಶೇಷ ಇದೆ, ದೊಡ್ಡ ಚಾಣದ ಮೂಗು ! ಅಷ್ಟೊಂದು ವೇಗದಲ್ಲಿ ಹಾರಬೇಕಾದರೆ ಉಸಿರಾಟ? ನಾವು ಮೋಟಾರು ಬೈಕ್ನಲ್ಲಿ ಗಂಟೆಗೆ 80-90 ಕಿಲೋಮಿಟರ್ ವೇಗದಲ್ಲಿ ಹೋಗುವಾಗ ಉಸಿರಾಡಲು ಕಷ್ಟ ಅಲ್ವ? ತೀವ್ರವಾದ ವಾಯುವೇಗದಿಂದ ಉಸಿರಾಡಲು ತೊಂದರೆಯಾಗಿಬಿಡುತ್ತದೆ. ಚಾಣದ ಮೂಗಿನ ಮೂಳೆಗಳು ಶಂಕುವಿನಾಕಾರದ ರಚನೆ ನೀಡಿ ಗಾಳಿಯವೇಗವನ್ನು ತಗ್ಗಿಸಿ ಉಸಿರಾಡುವ ಹಾಗೆ ರೂಪುಗೊಂಡಿರುತ್ತದೆ.

ದೊಡ್ಡ ಚಾಣಕ್ಕೂ, ಕೆಲವು ಸೂಪರ್ಸಾನಿಕ್ ಫೈಟರ್ ಜೆಟ್ಗೂ ( ಉದಾ: ಅಮೇರಿಕಾದ ಎಫ್ 22 ರಾಪ್ಟರ್) ನಿಕಟ ಸಂಭಂದ ಇದೆ, ಇಂಜಿನಿಯರ್ಗಳು ದೊಡ್ಡ ಚಾಣದ ಮೂಗಿನ ಅಧ್ಯಾಯನ ಮಾಡಿ, ಕೆಲವು ಪೈಟರ್ ಜೆಟ್ಗಳ ಎರ್ ಇನ್ಟೇಕ್ (air intake system) ವಿನ್ಯಾಸಮಾಡಿರುವುದುಂಟು. ಇಲ್ಲವಾದಲ್ಲಿ ಸೂಪರ್ಸಾನಿಕ್ ವೇಗದಲ್ಲಿ ಹಾರುವಾಗ ಅತಿಯಾದ ವಾಯುವೇಗದಿಂದ ಜೆಟ್ ಇಂಜಿನ್ ಛೊಕ್ ಆಗುವ ಸಮಸ್ಯೆ ಎದುರಾಗುತ್ತಿತ್ತು.

ಈಗಲೂ ಚಾಣಗಳ ಮೇಲೆ ಸಂಶೋಧನೆಗಳು ನಡೆಯುತ್ತಿದೆ.

---------

Eurasian Sparrow Hawk

Indian Spectacled Cobra (ನಾಗರಹಾವು), Feb 2016

ಭುಸ್ssssss

ನಾಗರಹಾವು ಕಂಡರೆ ಸಾಕು ಹಾಗೆ ಗೊತ್ತಿಲ್ಲದೆ ಎದೆ ಬಡಿತ ಹಾಗು BP ಜಾಸ್ತಿ ಆಗಿದ ಅನುಭವ ಇದ್ಯಾ? ಅದಿರಲಿ ನಾಗರಹಾವು ಅಂದ್ರೆ ಸಾಕು, ನಾವು ಒಮ್ಮೆ ಅದನ್ನ ನೋಡಿದ್ದೀವೋ ಇಲ್ಲವೊ, ಅದು ನಾಗರಹಾವೋ ಅಲ್ಲವೊ ಭಯವಂತು ಅನುಭವಿಸುವ ಹಾಗೆ ನಮ್ಮ ಮನಸ್ಸುಗಳಲ್ಲಿ ಹಾವುಗಳೆಂದರೆ Terror. ಹಾವು ಅಂದರೆ ವಿಷ, ಕಡಿತ ಭಯದ ಭಾವನೆ ಆಳವಾಗಿ ನಮ್ಮಲ್ಲಿ ಬೇರೂರಿದೆ.
ಹೌದು ಹಾವಿನ ವಿಷ ಮಾರಣಾಂತಿಕ, ಆದರೆ ಎಲ್ಲಾ ಹಾವುಗಳು ವಿಷ ಸರ್ಪಗಳಲ್ಲ. ಕಂಡಲ್ಲಿ ಹಾವುಗಳನ್ನು ಹೊಡೆದು ಸಾಯಿಸುವ ಅವಶ್ಯಕತೆ ಕೂಡ ಇಲ್ಲ. ನಮ್ಮ ಭಾರತದಲ್ಲಿ "Big Four" ಫ್ಯಾಮಿಲಿ ಇದೆ, ಈ ಹಾವುಗಳ ಕಡಿತದಿಂದ ಗರಿಷ್ಠ ಅಪಾಯಗಳಾಗಿವೆ, ಅದು - ನಾಗರಹಾವು (Cobra), ಕೊಳಕು ಮಂಡಲ (Russel's Viper), ಕಟ್ಟಿಗೆ ಹಾವು (Common Krait) ಮತ್ತು ಗರಗಸ ಮಂಡಲ ಹಾವು (Saw scaled viper). ಹಾವುಗಳು ಪ್ರಕೃತಿ ಸಮತೋಲನ ಕಾಪಾಡುವಲ್ಲಿ ವಿಶಿಷ್ಠ ಸ್ಥಾನ ಪಡೆದಿದೆ.
------------
ಪಾಣಿಗಳು ಮನುಷ್ಯನ ಮೇಲೆರಗಿವೆಯೆಂದರೆ ಅದಕ್ಕೆ ಸಾಮಾನ್ಯ ನಾಲ್ಕು ಕಾರಣ ಹೊರತುಪಡಿಸಿ ಬೇರೆ ಕಾರಣಗಳಾಗಲಿ ಉದ್ದೇಶಪೂರಕವಾಗಾಗಲಿ, ಯಾವುದೋ ಹನ್ನೆರಡು ವರುಷದ ಸೇಡಿಗಾಗಲೀ ದಾಳಿಮಾಡುವುದಿಲ್ಲ. ಅಥವ ಬೇರೆ ಕಾರಣಗಳಿದ್ದರೆ ಅದರ ಸಾಧ್ಯತೆ ಅತಿ ವಿರಳದಲ್ಲಿ ವಿರಳ !
1. ಸುರಕ್ಷತೆ - ತಿಳೀದೆ ತೀರ ಸಮೀಪ ಬಂದಾದ (Close encounter) ಗಾಬರಿಯಿಂದ ದಾಳಿಮಾಡುವ ಸಾಧ್ಯತೆ
2. ಜೋತೆಯಲ್ಲಿ ಮರಿಗಳಿದ್ದರೆ ಅದರ ಸುರಕ್ಷತೆಗೆ ದಾಳಿಮಾಡುವ ಸಾಧ್ಯತೆ.
3. ಕೆಲವೊಮ್ಮೆ ಅದರ ಆಹಾರಕ್ಕೆ ನಾವು ಪೈಪೋಟಿಯೆನ್ನಿಸಿದರೆ. ಕೆಲವು ಮಾಂಸಹಾರಿ ಪ್ರಾಣಿ ಸಹಜ ಬೇಟೆಯಾಡುವ ಸಾಮರ್ತ್ಯ ಕಳೆದುಕೋಂಡು ನರಭಕ್ಷತವಾಗಿದ್ದಲ್ಲಿ.
4. ವಿನಾಕಾರಣ ಅದಕ್ಕೆ ತೊಂದರೆಕೊಟ್ಟಲ್ಲಿ ದಾಳಿ ಮಾಡುವ ಸಾಧ್ಯತೆ.

ಪ್ರಾಣಿಗಳ ಸಿದ್ಧಾಂತ: ಮಾನವನ್ನನ್ನು ಕಂಡರೆ ಮೊದಲು ಕಾಲಿಗೆ ಬುದ್ದಿ ಹೇಳು!

ಈ ಹಾವುಕೂಡ ಸುಮಾರು ಇಪ್ಪತ್ತು ನಿಮಿಷದ ಬಳಿಕ ನನ್ನನ್ನು ಕಂಡು ಸದ್ದಿಲ್ಲದೆ, ಹೆಡೆಯೆತ್ತದೆ ಮೊದಲು ಜಾಗ ಖಾಲಿ ಮಾಡಿತು!

White stork

White Stork, ಬಿಳಿ ಕೊಕ್ಕರೆ 07.02.2016, ಹೊಸಕೋಟೆ

ಹಕ್ಕಿಗಳ ವಲಸೆ ಪ್ರಕೃತಿಯ ವಿಸ್ಮಯಗಳಲ್ಲಿ ಒಂದು, ನಮಗಂತು GPS ಇಲ್ಲ್ದೆ ಪಕ್ಕದ ಊರಿಗೆ ಹೋಗಿಬರಲು ಕಸ್ಟ. ಆದರೆ ಈ ಹಕ್ಕಿಗಳು ಸಾವಿರಾರು ಮೈಲುಗಳು ಕ್ರಮಿಸಿ ನಿರ್ದಿಷ್ಟ ಜಾಗಕ್ಕೆ ತಲುಪಿ ಕೆಲವು ದಿನ, ತಿಂಗಳುಗಳು ಕಳೆದು ಪುನಃ ಹಿಂತಿರುಗಿ ಬಂದ ಜಾಗ ತಲುಪುತ್ತದೆ! ಪ್ರತಿ ವರ್ಷ ಹಕ್ಕಿಗಳು ವಲಸೆ ಹೋಗುವುದುಂಟು, ಮುಖ್ಯ ಕಾರಣ ಶೀತಪ್ರದೇಶದ ಅತೀವ ಚಳಿ, ಚಳಿಕಾರಣ ಬೇಟೆ ಮತ್ತು ಆಹಾರದ ಕೊರತೆ ಹಾಗು ಸಂತಾನೋತ್ಪತ್ತಿ. ಮಾಡು ಇಲ್ಲವೆ ಮಡಿ, ವಲಸೆ ಹೋಗದೆ ಬೇರೆ ದಾರಿಯೇ ಇಲ್ಲ ಈನಮ್ಮ ಸ್ನೇಹಿತರಿಗೆ. ತಮ್ಮ ಪ್ರಾಣ ಪಣಕ್ಕಿಟ್ಟು ಸಾವಿರಾರು ಮೈಲು ವಲಸೆ ಬರುವ ಈ ಅತಿಥಿಗಳಿಗೆ ತೊಂದರೆ ಕೊಡದೆ ಇದ್ದರೆ ನಮ್ಮಿಂದಾಗುವ ಮಹಾಉಪಯೋಗ.
---------

ಬಿಳಿ ಕೊಕ್ಕರೆ, ಸತತ ನಾಲ್ಕನೇ ಸಾಲು ನಾ ಕಂಡಂತೆ ಹೊಸಕೋಟೆ ಕೆರೆಗೆ ಬರುತ್ತಿರುವುದು. ಸುಮಾರು ಫೆಬ್ರವರಿ ಮೊದಲವಾರ ಬಂದಿಳಿಯುತ್ತದೆ. ಬಿಳಿಕೊಕ್ಕರೆಗಳು ನಮಗೆ ಕೊಂಚ ಅಪರೂಪದ ಹಕ್ಕಿಗಳು. ಬಹುಶಃ ಬೆಂಗಳೂರು ಸುತ್ತಮುತ್ತ ಹೊಸಕೋಟೆ ಕೆರೆಯಲ್ಲಿ ಮಾತ್ರ ಫೆಬ್ರವರಿ ತಿಂಗಳಲ್ಲಿ ಕಾಣಬಹುದು. ಇಲ್ಲಿ ಸಾಮಾನ್ಯವಾಗಿ ಸಿಗುವ ಬಣ್ಣದ ಕೊಕ್ಕರೆಗಿಂತ ಒಂದು ಸೈಜು ದೊಡ್ಡದು. ಬಿಳಿ ಕೊಕ್ಕರೆ ದಕ್ಷಿಣ ಭಾರತಕ್ಕೆ ದೂರದ ಮಧ್ಯ ಏಶಿಯ ಪ್ರಾಂತ್ಯ ಅಥವ ಯೂರೋಪ್ನಿಂದ ವಲಸೆ ಬಂದು ಹೋಗುತ್ತದೆ. ಯಾವ GPS ಯಾವ air traffic control, ಯಾವ ವಿಸ ಪಾಸ್ಪೋರ್ಟ್? ಎಲ್ಲಾ ದೇಶವಿದೇಶ ಪೂರ್ತಿ ಭೂಮಿ ಇದರದ್ದೆ!!

Hoskote lake, ಹೊಸಕೋಟೆ ಕೆರೆ, 06.02.2016

1991ರಲ್ಲಿ ಕೊನೆಬಾರಿ ಕೋಡಿ(overflow) ಹೋದದ್ದು. ಅನಂತರ 1999ರಲ್ಲಿ ಸುಮಾರು 5-6ಅಡಿ ಕಡಿಮೆ ಪೂರ್ತಿ ಕೆರೆತುಂಬಲು. ಎರಡು ದಶಕಗಳೇ ಕಳೆಯಿತು ನೀರೇ ಇಲ್ಲ. ಇದು ಅಂತಿಂತ ಕೆರೆಯಲ್ಲ, ಸುಮಾರು 3200 ಎಕರೆ, ಹೆಚ್ಚು ಕಡಿಮೆ ಹತ್ತು ಕಿಲೋಮಿಟರ್ ಉದ್ದ ಮತ್ತು 2-3 ಕಿಲೋಮೀಟರ್ ಅಗಲ, ಅಬ್ಬ ಇದರ ಹೊಟ್ಟೆ ತುಂಬಬೇಕಾದರೆ ಭಾರಿ ಮಳೆಯೇ ಬೇಕು!

ಸುತ್ತಮುತ್ತಲ ಹಲವಾರು ಹಳ್ಳಿಗಳ ಹಾಗು ಹೊಸಕೋಟೆ ಪಟ್ಟಣದ ಜೀವನಾಡಿ. ಬೆಂಗಳೂರು ಸುತ್ತಮುತ್ತಲಿನ ಬಹುಶಃ ದೊಡ್ಡಕೆರೆ ಇದೇ ಇರಬೇಕು. ಕರ್ನಾಟಕ ರಾಜ್ಯದ ಮೊದಲ ಹತ್ತು ವಿಷೇಶ ಕೆರೆಗಳ ಪೈಕಿ ಇದೂ ಒಂದು.

ಸುಮಾರು 186 ಪ್ರಭೇದದ ಸಾವಿರಾರು ಪಕ್ಷಿಗಳ ಆಶ್ರಯ. ಲೆಕ್ಕವಿಲ್ಲದಷ್ಟು ಸರಿಸೃಪ, ಕ್ರಿಮಿ ಕೀಟಗಳ ಮನೆಯಿದು. ಆಳಿವಿನಂಚಿನಲ್ಲಿಗರುವ (endangered) ಹಕ್ಕಿಗಳು, ದೇಶ ವಿದೇಶದಿಂದ ವಲಸೆ ಬಂದ ಹಕ್ಕಿ ಜೊತೆಗೆ ಸ್ಥಳವಂದಿಗ ಹಕ್ಕಿಗಳಿಗೆ ಪಾಲನೆ ಪೋಶಣೆ ನೀಡಿ ಸಾಕಿ ಸಲಹುತ್ತಿದೆ

ನನ್ನ ಹುಟ್ಟೂರು ಹೊಸಕೊಟೆಯಾದ ಕಾರಣ ನನ್ನ ಬಾಲ್ಯಕ್ಕೂ ಈ ಕೆರೆಗೂ ತುಂಬಾ ನಂಟು! ರಜಾಬಂತೆಂದರೆ ಕೆರೆಯಲ್ಲಿ ಕ್ರಿಕೆಟ್, ಹರಟೆ, ಸೈಕಲ್ ಸವಾರಿ, ಇತ್ಯಾದಿ. ಪರೀಕ್ಷೆ ಬಂತೆಂದರೆ ಕೆರೆ ಕಟ್ಟೆಯ ಪ್ರಶಾಂತ ವಾತವರ್ಣದಲ್ಲಿ ಓದು. ಮನೆಯಲ್ಲಿ ಬಾರದ ಏಕಾಗ್ರತೆ ಇಲ್ಲಿ ಬರುತ್ತಿತ್ತು. ಈಗಂತು ಊರಿಗೆ ಹೋದಾಗಲೆಲ್ಲಾ ಕೆರೆಗೆ 4-5 ತಾಸುಗಳ ಒಂದು visit ಗ್ಯಾರೆಂಟಿ, ಕಾರಣ ಅಲ್ಲಿರುವ ಹಕ್ಕಿಗಳು.

Indian Roller

Indian Roller,
ಭಾನುವಾರ ಸಂಜೆ, ಸುಮಾರು 4:45 ಹಾಗೆ ಖಗಗಳನ್ನು ಹುಡುಕುತ್ತಾ ಒಂದು ಕೃಷಿ ಭೂಮಿಯತ್ತ ಬಂದೆ. ಸೂರ್ಯ ತಾನು ತಂಪಾಗಿ ಮುಳುಗಲು ಸಜ್ಜಾಗುತ್ತಿದ್ದ. ಕಿರಣ ತೀಕ್ಷ್ಣತೆ ಕಡಿಮೆಯಾಗೆ ಸಮತಲದಲ್ಲಿದ್ದ ಬೆಳಕಿಗೂ, ನಾನ್ನ ಕಣ್ಣಿಗೆ ವರ್ಣಮಯ ಹಕ್ಕಿ ಬೀಳಲೂ?

ಪದೇ ಪದೇ ನೀಲಕಂಠ ಪಕ್ಷಿ ಒಂದು ಕಲ್ಲಿನ ಮೇಲಿಂದ ಹಾರಿ ಮರದ ಮೇಲೆ ಕುಳಿತು ಮತ್ತೆ ಅದೇ ಕಲ್ಲಿಗೆ ಜಿಗಿಯುತ್ತಿದ್ದುದ್ದನ್ನು ಗಮನಿಸಿದೆ. ಇಲ್ಲೇ ಸಲ್ಪ ದೂರದಲ್ಲಿ ಅಲುಗಾಡದೆ ಸದ್ದಿಲ್ಲದೆ ಕಾದು ಕುಳಿತರೆ, ಗರಿಬಿಚ್ಚಿದ ನೀಲಿ ಬಣ್ಣಗಳ ಓಕುಳಿ ಗ್ಯಾರೆಂಟಿ. ಕಣ್ಣಿಗೂ ತಂಪು ಮನಸ್ಸಿಗೂ ಉಲ್ಲಾಸ.

ಎಲ್ಲೋ ಏನೋ ಪೆಟ್ಟು ಮಾಡಿಕೊಂಡು ಮೇಲಿನ ಕೊಕ್ಕನ್ನು ಮುರಿದುಕೊಂಡಿದೆ ಅಲ್ವಾ?

ನಿಮಗಿದು ಗೊತ್ತೆ: ನೀಲಕಂಠ ಪಕ್ಷಿ ನಮ್ಮ ರಾಜ್ಯ ಪಕ್ಷಿ! ನಮ್ಮ ಸುತ್ತ ಇರುತ್ತದೆ, ಕೃಷಿ ಪ್ರದೇಶ, ಬಯಲು ಜಾಗಗಳಲ್ಲೆಲ್ಲಾ ಕಾಣಸಿಗುತ್ತದೆ. ಒಮ್ಮೆ ನೋಡಬಹುದಲ್ಲ? ಮಕ್ಕಳಿಗೂ ತೋರಿಸಬಹುದಲ್ವಾ?

Ashy Prinia

" ಟ್ಟುವ್ವಿ ಟ್ಟುವ್ವಿ ಟ್ಟುವ್ವಿ ಎಂದು ಹಾಡುವ ಹೊಸ ಹಕ್ಕಿಯ ನೋಡಿದೆ, ಕೇಳುತಾ ಕೇಳುತಾ ಮೇಲೆ ನಾ ಹಾರಿದೇ, ಹಾಡಿದೇ... "ಎಂಥಾ ಅದ್ಭುತ ಹಾಡು ಆನಂದ್ ಚಿತ್ರದ್ದು. ಒಮ್ಮೆ ಹಾಡು ಕೇಳಿ ಕುಣಿದಾಡುವಾ?

ಯಾಕಪ್ಪ, ಈ ಹಾಡಿಗೂ ಫೊಟೋಗೂ ಏನು ಸಂಭಂಧ?

ಇದೇ ಆ ಟ್ಟುವ್ವಿ ಹಕ್ಕಿ! ಸದಾ ಉತ್ಸಾಹದಿಂದಾ ಇಡೀ ದಿನ ತನ್ನ ಕೆಲಸದಲ್ಲಿರುವುದನ್ನು ನೋಡಿ ಕಲಿ ಎನ್ನುವಂತಿರುತ್ತೆ. ಇದೇನು ಕಾಡಿನಲ್ಲೇ ಸಿಗುತ್ತದೆ ಅಂತಲ್ಲ, ನಿಮ್ಮ ಮನೆ ಪಕ್ಕದಲ್ಲೇ ಇರುತ್ತದೆ, ಒಮ್ಮೆ ನೋಡಿ, ನೀವು ಪಕ್ಷಿ ವೀಕ್ಷಣೆಯ ಮಜಾ ಸವಿಯಿರಿ!

" ಟ್ಟುವ್ವಿ ಟ್ಟುವ್ವಿ ಟ್ಟುವ್ವಿ ಎಂದು ಹಾಡುವ ಹೊಸ ಹಕ್ಕಿಯ ನೋಡಿದೆ, ಕೇಳುತಾ ಕೇಳುತಾ ಮೇಲೆ ನಾ ಹಾರಿದೇ, ಹಾಡಿದೇ... "

Ashy Prinia (ಟ್ಟುವ್ವಿ ಹಕ್ಕಿ), Hoskote, Jan 2016

Indian Grey Mongoose

Indian Grey Mangoose, 16.01.2016, Bangalore outskirts


ಸುಮಾರು ೨೫ ವರ್ಷನೀರೇ ಕಾಣದೆ ಪಾಳುಬಿದ್ದಿರುವ ಕೆರೆ ಕಟ್ಟೆ ಮೇಲೆ ಹಕ್ಕಿಗಳಿಗೆ ಕಾದು ಕುಳಿತಿದ್ದಾಗ ಹಠಾತ್ತನೆ ಪೊದೆಯೊಳಗಿಂದ ಬಂದ ಮುಂಗುಸಿ ಪಂಚತಂತ್ರ ಕಥೆ ಆಧಾರಿತ ರಾಮ ಲಕ್ಷ್ಮಣ ಚಿತ್ರದ "ಕೇಳಿದ್ದು ಸುಳ್ಳಾಗಬಹುದು, ನೋಡಿದ್ದು ಸುಳ್ಳಾಗಬಹುದು, ನಿಧಾನಿಸಿ ಯೋಚಿಸಿದಾಗ ನಿಜವು ತಿಳಿವುದು" ಹಾಡಿನ ಜೀವನ ಪಾಠ ಪುನಃ ನೆನಪಿಸಿ, ಒಮ್ಮೆ ನನ್ನನ್ನು ನೋಡಿ ಮುಂದೆ ಹೋಯಿತು. ಕ್ಯಾಮರ ಫೋಕಸ್ ಮಾಡುವಸ್ಟರಲ್ಲಿ ಪೊದೆ ಸೇರಿಯೇ ಬಿಟ್ಟತು.


ಸಂಜೆ ಸುಮಾರು ಐದುವರೆ ಇರಬಹುದು, ಮತ್ತೆ ಮುಂಗುಸಿ ಹಿಂತಿರುಗಿ ಬರಬಹುದೆಂಬ ನಿರೀಕ್ಷೆಯಿಂದ ಅಲ್ಲೆ ಅಲುಗಾಡದೆ ಕುಳಿತೆ, ಸುಮಾರು ನಾಲೈದು ತರದ ಹಕ್ಕಿಗಳು ಸುತ್ತ ಕುಳಿತು ತಮ್ಮಕೆಲಸದಲ್ಲಿ ನಿರತವಾದವು. ಸೂರಕ್ಕಿ ಸುಮಾರು ಹೊತ್ತು ಕ್ಯಾಮರಾಗೆ ಪೋಸು ಕೊಡುತ್ತಿದೆಯೇನೋ ಎಂಬಂತೆ ದುರುಗುಟ್ಟಿಸಿ ನನ್ನನ್ನೇ ನೋಡುತ್ತಿತ್ತು. ಹಕ್ಕಿಗಳನ್ನು ನೋಡುತ್ತಾ ಸುಮಾರು ಒಂದು ತಾಸು ಹೇಗೆ ಕಳಿಯಿತೋ, ನನಗಂತು ಒಂದು ನಿಮಿಶದಂತೆ ಭಾಸ. ಗಡಿಯಾರದ ಮುಳ್ಳು ಇರ್ಲಿಲ್ಲ, ಮೊಬೈಲ್ ಡಿಜಿಟ್ಸ್ ಆರುವರೆಯಾಯಿತು ಏಳೂ ಅನ್ನುತಿತ್ತು, ಸೂರ್ಯ ಆಗತಾನೆ ಮುಳುಗಿದ್ದ. ಇನ್ನೇನು ಕ್ಯಾಮರಾ ಪ್ಯಾಕ್ ಮಾಡ್ಬೇಕು, ನಿರೀಕ್ಷೆಯಂತೆ ಮುಂಗುಸಿ ಅದೇದಾರಿಯಲ್ಲಿ ಬಂದು ಹಾಗೆ ಒಂದು ಕ್ಷಣ ನನ್ನಕಡೆ ನೋಡಿ ಪೊದೆ ಸೇರಿತು. ಕ್ಯಾಮರ ರೆಡಿ ಇತ್ತು, ಫೋಟೊಗೆ ಸಿಕ್ತು.


ಆಮೇಲೆ, ಮುಂಗುಸಿ ಹಾವಿನ ಕಡಿತಕ್ಕೆ ಅಥವಾ ವಿಷಕ್ಕೆ ಪ್ರತಿರಕ್ಷಣೆ (immune) ಹೊಂದಿದ್ದು, ಹಾವುಗಳಿಗೆ ಆಜನ್ಮ ವೈರಿಗಳ ಪೈಕಿ ಒಂದು.